Our Bride’s Testimonials

你們店的婚妙禮服都很美，亦會給予不同的建議！見證著你們開店，搬店舖，老闆娘逐一出嫁，感覺都很奇妙！衷心祝福你們，同時希望能繼續堅持你們創業的理念！雖然已結婚了，但仍想不時想看看你們的新款，因為結婚時穿上的時間實在太少了～～Stella,Fiona 你們加油呀！

一個令人安心舒服的選擇，絕對不會揀錯🙂 
細粒肥妹仔去試身，坦白說都好有壓力的！Stella的親切真心細心，令人一下子就安心了！
之前試過幾間，感覺總是不夠隨性，但在這裡穿上身的，每件都覺得好舒服，都令人感到自信！
特別欣賞店主的堅持同夢想，每一個仔細的設計，都值得支持支持！thank you:)

Staff were very helpful and plenty of choices with regard to costume selections for men and women. Fitting was done properly, with useful advice from staff and the in house tailor.

Sometime you meet people who are like bright shining light that make you feel special just to be in their glow; Fiona and Stella are one of these people. In 2014, I only have 6 weeks in Hong Kong to find my wedding dress. Back in Vancouver, it was difficult to find dresses that fit me. Dresses that are supposed to be above my knees would become the train. Waistline would somehow turns into hipline. However, the experience in Hong Kong was not pleasant neither. Stores that limit how many dress you can try on. Sales people that just wanna close the sale without trying to understand what you want. The worst experience was probably when a salesperson told you what you want look like sleepwear. It is quite disheartening. With 4 weeks left, I called up my aunt and asked for help. She said her cousin (Fiona) is actually a wedding dress designer, maybe she can help out. At that time, their studio was still under the way, so they brought me to different stores to try on dresses and get a sense of what look good on me and what style and fabric I prefer to use. Later, while Fiona and I sat down and chatted, Stella started sketching my vision of the dress (BTW her sketching skill is amazing). As she was flipping through her sketchbook, then I realized she actually sketched out all the dresses that I told them I was interested in before we meet. They measured my size carefully and considered all the things that may affect the measurement down the road, since my wedding was still 8 months away. That day, they spent close to 8 hours with me and my fiance. With my tight timeline, I cannot imagine how many nights they pulled off, but I had my dream dress to bring home at the end of my trip. They also surprised us with stitching of our name and the bible verse that we will be using in the wedding on the dress. I was a happy bride to be. You would think that once the dress is done, they would probably delete your contact on their phone. But one night, I received a whatsapp message from Fiona. She said she was looking at the pictures of me wearing the dress and realized that I have some rash at the back of my skin. She asked whether I would like to try a type of soap from HK that may help. Sometime you meet people who go beyond what they need to do at their work, then you know they truly care the people they serve and love what they do.

好多人讚我啲褂丶婚莎同晚裝靚靚，
多謝你地有咁好既design，我先可以著都咁靚既裙！

我雖然無周圍去試裙，但有上網睇至少20-30間，但都唔岩心水，所以連試都唔想試，真係好擔心。

冇意間見到你地既Facebook，＂找到啦！點知一試真係ok！正！

你地要繼續design 多啲靚靚裙！！加油！

再次多謝你地呀！❤️❤️❤️

從朋友口中得知這家小店婚紗，當初上到去試身已經感受到fiona及stella的熱情招待，又會溫柔地推介自家設計既裙，感覺已經找到the one!!!自問不是一個一絲不苟，踏遍婚紗店去找 「叮」一聲的新娘子，但我找到wcube時覺得佢地鐘愛婚紗設計既熱情，比到信心我一定搵到喜歡的裙。結果無論pre-wedding還是big day都無讓我失望，甚至我驚喜自己穿上婚紗時的感覺，真係好襯到心目中「清新、簡約」的風格。可能因為兩位店主都是這種風格的女孩子，還有主打多變著法，真係照顧到不同身型的新娘子。
另外，兩位店主的貼心程度讓我非常感動，徬徨於突發事件姊妹裙，fiona馬上替我地想辦法，夜媽媽知我地趕急都回覆給予建議，非常感謝你地既幫忙。
謝謝你們以及店內的職員才讓我們的婚禮更美麗、更快樂。

☺️雖然選擇無其他店咁多但d款全部都唔會好似岀面咁俗 傾傾下計好快知道我想要d咩都拎晒比我睇比我試 之前去過間好似唔多想我試咁☺️☺️好開心 仲搵到條同我既dream wedding gown係一樣既裙好多謝你地 好想快d到big day個日著

感謝Wcube全體員工俾我一次專業又窩心嘅婚紗之旅佢地有一份想幫人客搵到佢地the one嘅堅持:無論係由我第一次上去，到我第n次上去，佢地都會好開心甘歡迎我入去揀裙。知道呢樣野係好難得，因為出面有好多都係等你落完訂就再無興趣再serve你。而且佢地出新裙都好勤力，keep住有update
謹祝Wcube生意興隆 愈做愈大

Fiona 超細心又好人，建議左好多婚紗著法比我！婚紗好靚，特別是剪裁，著得好合身！

真係好鍾意你地同你地嘅裙，可惜結婚一生人一次，如果唔係就可以勁著你地嘅裙 ❤ 要繼續加油呀！我仍然會期待你地嘅新作同埋推介俾要結婚嘅朋友！ 💪🏻💪🏻💪🏻uuuush

睇左好多間都唔岩心水 直至俾我係facebook見到呢間公司放既緍紗晚裝都覺得好靚 一心就決定左揀Wcube Bridal 早幾日就已經去試左衫 雖然只係試左幾套 但係幾套我都係好鐘意 Stella & Fiona亦都俾我感覺好舒服 兩個好細心 完全唔會黑sell 亦都俾左好多意見我

未遇到你地之前，不停上網睇其他鋪頭都毫無頭緒出面一係好貴，一係就差唔多款！
直至見到你地個fb page啲衫同comment後，知道你地啲衫係自己design，唔會同出面撞款，就即刻預約上黎試衫
因為你地成日出新款嘅關係，一年入面我大大話話都上黎冇十次都八次
但你地每次都係笑容滿面，唔會覺得我麻煩
另外非常之榮幸我件婚紗同敬酒裙都係第一次出街
超級推薦Wcube，仲猶豫緊嘅準新人們，唔洗諗喇，快啲上去試衫啦

未試之前已經覺得d婚紗好靚，上去一試即刻買左package,店員好nice,幫我揀最岩我既婚姊同晚裝，又俾左好多資訊我點著先靚同埋點樣減拜拜肉！婚禮果日個個都話靚真係好多謝你地！

Wcube 婚紗晚裝真係好靚好新淨，最值得一贊係services 超好，每次上去試衫佢地都安排得好好，會比下意見，超細心！Fiona & Stella &仲有個姐姐（sor, 忘記個名 🤣）都超nice! 真心多謝您地！👍🏻👍🏻

剛過完的婚禮～好多客人也讚d 裙好靚～Wcube 全部職員也好用心幫我揀適合嘅裙～加上佢地自己design ! 就唔會同人撞款啦！

未 confirm pre wedding 既時候，已經上過黎試裙，已經試過一次呢條紅裙，雖然無揀到佢係
我Big day 但其實試完好喜歡。到試pre wedding 既衫，我話想揾一條紅裙，我地又相遇啦，因
為上次 free trail 無影相，忘記左佢，但今次係佢揾返我，所以唔揀佢唔得 
個個朋友仔一睇相都話紅裙好吸睛，個個都大讚，知道紅裙好有性格,揀主人架，多謝佢揀我呀

很感恩可以係wcube租衫！見到店主好有心去幫我！又唔會嫌我煩同埋三心兩意，好有耐心去解釋同埋比意見。因為你們，令到我既婚禮很美，謝謝你們

這是一個追尋夢想的故事…

籌備婚禮，我第一樣confirm的item竟然是租婚紗，無錯，喺擇日同搵場地之前，我已經租左婚紗。

聽人講，要試多d先知咩婚紗arm自己，於是我諗住搵間free trial試下先，咁arm上網睇blog見有人介紹Wcube好似幾好又近屋企，就上去試。嗰時離bigday仲有15個月（雖然未擇日），上去前無諗過咁快租，純粹體驗下。

當時Wcube仲喺葵興工廠區，面積小小，但有種好溫馨ge感覺。兩位店主Fiona同Stella俾我ge第一印象係——超級nice！由於未試過婚紗，我完全唔知想要咩、要點做。Fiona介紹左我試有膊頭位、mermaid款，話arm我身型。oh no我之前完全無諗過會著呢d款，甚至覺得mermaid好唔靚，點知一試佢介紹ge幾條裙，真係好好睇！佢ge推介真係好好（之後再去試，佢都好堅持推介一d我無諗過著但佢覺得arm我身型ge裙，效果又好好wor，好神奇）

第一次同之後再去，都係Stella幫我著裙ge，佢真係超級細心！又教左我好多關婚紗同唔關婚紗事ge野。佢同我分享左佢地ge故事。佢地兩個係大學讀fashion design ge同學，之後一齊做野，再一齊創業開婚紗店，呢度所有裙都係佢地design，有d仲係自己造ge。我聽到呢度真係好surprised!! 所有裙wor!自己design wor! 自己造wor! 真係好不可思議！

我問Stella咁咪好辛苦？佢ge答案令我印象深刻，佢話：有時都會ga,但我地真係好鍾意呢個工作。！！我永遠想像唔到咩叫「真係好鍾意自己ge工作」，但從言談間，我感受到Stella同Fiona真係好有熱誠，真心想將靚ge裙介紹俾黎到ge客人。

講番上去前我根本無諗住咁快租，但最後我係即場決定左喺度租，因為試完衫我男朋友同我講，佢覺得呢度ge衫款、價錢、服務都唔會令我後悔。而的確，而家過左6個月，都無另一間婚紗店令我覺得後悔當初ge決定（我喺fb睇za, 無再試過其他）

利申番，其實我bigday仲未到，而家仲係試衫階段（已經試左3次，嘻）。我覺得呢度最好ge係佢地人性化ge交流，喺wtsapp可以好似同朋友傾計咁，係d大鋪頭搵唔到ge（我估）。不過有樣唔好呢就係佢地太努力整新裙啦！！搞到我成日都想再去試！！太多靚款都唔知點揀好！！令人好煩惱XD

是她們追求夢想的那份熱誠，令我放心要將這重要的item交給她們（當然都因為d裙好靚la）

在facebook看到了這自家設計的婚紗店，感覺是走較清雅的路線， 也是我想找的風格，便上去看看。 Stella親切的笑容招待我們， 想不到婚紗一試上身， 我與男友都即時感覺到，『這就是The one』了！ 其實之前也試了好幾間婚紗店， 也試了好多件婚紗，可是就是找不到想要的東西， 要不是婚紗不合適， 就是晚裝不夠漂亮。 可是在Wcube Bridal Studio, 每件試穿的都很漂亮， 而且每件禮服也看得出設計師的用心及細心， 每件也造得很精細， 並不是外面大品牌可以比較。 在試身過程， Stella十分貼心的為我配上頭紗及首飾， 好讓我們了解整體效果， 那是其他店舖沒有的服務！ 除了婚紗晚裝外， 他們還有自家設計的男裝及裙褂， 男裝有很多不同款式，款式不會很浮誇，因為她們設計的都有很多仔細位， 所以低調得來又很有格調，而且剪裁非常好， 男友除隨便試上身都很合身， 所以最後我們都不用考慮地選了她們的店舖，很想謝謝這間很有心的小店！！

因為自己都係一個fashion designer, 所以對挑選婚紗晚裝款式會特別挑剔，知道你地係自己設計，同外面婚紗店有好大分別，而且款式特別，用料好靚，尤其是lace 款式，所以好快決定選用你地
婚宴當日好多人都讚D衫好靚好特別，所以我好開心遇見你地！加油呀！

而家時興撐手作撐小店，背後目的除左夠獨特、匠心獨運之外，仲有最重要就係店主嘅心思同堅持。
好開心好幸運搵到呢間婚紗店中的“手作小店”，而且仲要係一見即選中。第一次去試身，已經感受到Fiona and Stella真係好愛好愛好愛自己嘅作品同舖頭。大喜日子最緊要走出俗套，佢地介紹嘅每一件婚紗同晚裝都係精品，唔似外面以浮華包裝嘅大舖咁俗。
自己一向鍾情中國風元素，但香港婚紗或晚裝除左旗袍同大紅敬酒服之外，好少會用呢種元素。但見到佢地有件用旗袍料做嘅藍色晚裝，即刻雙目發光指定一定要呢件 ♡^_^♡ 之後日日同人講我搵到件完美到無可比擬嘅晚裝。
雖然一早已經定哂當日嘅衫，但成日都要好強定力先可以抵禦到Wcube連綿不斷嘅新作品…… \(╯–╰)/ 真係好靚
最後在此多謝Fiona and Stella，要面對一個成日唔按常理出牌嘅客人，仍然保持無微不至嘅細心同耐性，今時今日咁嘅服務態度好值得俾多過45個like XD

好多謝Wcube既每一位員工
個個都好細心同好nice
試裙又會因應我喜好介紹翻d款
最後我都搵到哂我心中想要既裙
當晚仲好多賓客都讚d裙好靚tim
多謝Wcube

係Wcube Studio 見到熱誠，見到Fiona 同Stella 對做婚紗既一種熱愛是很有心的一間店鋪，漂亮的婚紗和晚裝，一流的服務，細心的招待，多謝你地

勁有heart既婚紗店
款色靚就唔使再講啦～
我d裙全部都勁靚呀～
幫我加分勁多多謝你地呀

Never have i thought i could get all my WG + EGs (2 pcs) from one place and with such economical price! Their dresses varies from simple elegance to glamorous, You name it! Stella and Fion are very passionate towards their work and they’ve been super nice and helpful along the way to offer me with so much advise so i’ll look absolutely gorgeous in my gowns!! <3 xoxo stella + fion~

我係2016年11月既新娘呀，我好懶，到而家先的起心肝寫個Review

由試婚紗晚裝到婚禮當晚，成個過程都好難忘好享受！
初初要租裙時，目標都係小店，Wcube係我第一間亦係唯一一間fitting，因為當日就決定揀Wcube

試過好多次裙好多款裙（因為成日有新裙出，揀到心大心細），stella同fiona每次都好盡心同會俾好多意見
更幸運係抽獎抽中我，可以著到自己既dream gown，係好開心同感動既

唯一有少少遺憾想分享，係婚禮前幾天，突然收到stella同fiona既通知，我揀既其中一套灰色晚裝俾上手新娘整爛左，損爛程度都好嚴重，唔夠時間俾佢地修補，我唯有要重新揀過裙
（大家應該都知道臨近婚禮，所有大小事情都已經完成，只係乖乖地做個待嫁新娘）
因為無時間失落，所以第二日就上去Wcube，見到灰色裙真身，替stella同fiona心痛
另外要重新揀裙，因為迎賓婚紗送客既裙係夾過色夾過款，所以一條裙要轉即係其他裙都要轉，stella同fiona都好好，俾我重新揀過D裙，重頭再襯過！
11月係結婚旺季，好多好多裙已經俾其他準新娘hold起左，好彩Wcube一路都出新裙，貨源充足，最後我都順利揀到岩心水（但對於套灰色晚裝仍然念念不忘，因為真係好中意！）

寫呢個Review，除左係讚賞stella同fiona既工作熱誠同態度，亦都好想提醒各位新娘，結婚當日著住好靚既婚紗晚裝去享受一切既時候，都唔好忘記要小心對待每條裙，每條裙除左係stella同fiona既心血外，亦都充滿下位新娘既期待！

相信無人想自己既婚禮有瑕疵，所以要將心彼己呀

意見專業到位， 態度親切，令我們感覺十分貼心

Their WG and EG are all very nice, elegant and well managed, even they are all for rental, the status of the gowns is just like a new one. I have decided to rent gowns from Wcube immediately after seeing their professional service. Their advice made me pick up the right gowns which made me look slimmer, as I don’t want to lose weight to accommodate the dress.

Moni and Fiona are always with patience to hear what I want and what I like. Thanks so much!!!

十分感謝您們的幫忙和專業意見！ 婚妙和晩裝也很新，package 很優惠，而且有很多不同的款式. 每個人也很友善，就算最後我們因為天氣要改租期, 你們也幫了我們很多，令我覺得整個過程很放心，我真的覺得很幸運可以遇上Wcube!十分推介！🙂

Can’t ask for more for a WG. Elegant and pretty. The WG made my big day even more unforgettable. Thank you Fiona, Stella and all the staff. Love it so much!

未 confirm pre wedding 既時候，已經上過黎試裙，已經試過一次呢條紅裙，雖然無揀到佢係我Big day 但其實試完好喜歡。到pre wedding 既衫，我話想揾一條紅裙，我地又相遇啦，因為上次 free trail 無影相，忘記左佢，但今次係佢揾返我，所以唔揀佢唔得😍😍個個朋友仔一睇相都話紅裙好吸睛，個個都大讚，知道紅裙好有性格,揀主人架，多謝佢揀我呀 💃💃💃💃

人生的最美時刻我就交左比wcube幫我，這決定很對
準備結婚的第一個step就係揀婚紗，然後就開始like左很多婚紗公司page。
很偶然地look look下FB見到wcube 有免費試身咁就上左去試。這是我第一間亦是第一次試婚紗的公司。有2個很可愛的靚女server我試左一輪後就開始諗join定唔join.
始終有好多選擇未睇過，沒比較過其他。可能仲有更好既呢？自己心想。
最後都係即場join左原因好簡單：有我喜歡的同價錢岩自己。況且永遠都會有最好既喇，依家岩就得架喇。老公說
由2015join到2017結婚，起初wcube婚紗款式并不多到後來款式越來越多，每一件都好靚，每件都想著然後又係一場心理戰爭揀邊件好。
由睇住你地細鋪搬大鋪，婚紗越來越靚，多。真係好替你地感到高興

服務及質素同樣好的店舖！好後悔只租了婚紗，佢地啲衫好靚好新架！！
由我free trial 開始，店員已經非常細心，特別欣賞幫我試身的店員–Monique!!! 好專業，除分享不少試衫tips外，改衫技巧又好，令我著上身後非常fit身！非常推介

Wcube的晚裝及婚紗非常靚同有氣質!! 第一次試衫時已經非常喜歡，Big Day當日已經好多人讚D衫好靚！ Like 爆

多謝Fiona & Stella的細心推薦
讓我找到the one 婚紗
十分欣賞妳們的設計！& 店的空間很大也十分舒服。
另外其他職員也是十分有禮貌的幫忙，令人感到窩心

一年前係一次機緣底下係fb見到WCUBE既裙…一見就心心眼…約左時間上去試身之後就即刻落埋訂添…當日就已經揀好晒啲款…好感謝Stella既意見幫我揀左一條黑白色裙…好鍾意好鍾意同好鍾意
係呢一年入面見住你地擴充舖頭…好戥你地開心…多謝你地一路既協助…希望你地生意蒸蒸日上…繼續造多啲靚裙喇

多謝Stella同Fiona,你地親自設計的婚紗真係無得頂，個個賓客都大讚～仲好襯草地！記得之前試左好多間婚紗店都一直無叮一聲的感覺，直到搵到你地,先有The One既感覺，Simple is Beauty,清雅的設計完全呈現左我想要elegant同sweet既感覺

上帝送左對巧手俾你地，好感恩，你地好叻呀～請繼續為更多新娘子做靚衫，成就最美一刻！加油

Felt sweet and warm here. Appreciate their considerate services and helpful suggestions and most importantly I love the gowns here so much. Thank you : )

我係17年8月份的新娘， 時常也在想， 一生人一次的大日子， 事事也想做到最好、最完美，尤其是婚紗禮服是大日子中重要的一環， 所以在大日子前已經不停尋尋覓覓好多間不同的婚紗店，但不是過份 hard sell 就是 d 衫太普通、款式過舊，直至在5月份無意中遇到“她” — Wcube Bridal Studio。我終於完全滿意， 放下心頭大石，因為我終於搵到我既The one 了。
近年大多數要數到工廈的婚紗店，都是位於官塘， 但最意想不到的是在新蒲崗的工廈竟有一間這麼貼心的婚紗店。
我衷心多謝婚紗店的 stella 及其同事在這緊迫的3個月中貼心的服務。
最記得我呢3個月來，上去想試呢件又想試個件， 你們都不怕辛苦的幫忙， 自己就真係好似公主咁有幾個人服侍，老公一個月前臨時想轉禮服款， 你們都好樂意幫忙。
同埋除左婚紗，我好鍾意你地果條新款紫藍色立體花裙，一早係facebook 見到就心心眼，原來問返先知係你地自家制新款，到大日子當晚個個賓客都大讚好靚，多謝你們令我有個美好難忘的大日子。
希望你們繼續成就天下間更多新娘的願望—穿著美麗的服飾在大日子中接受眾人的祝福。祝你們生意興隆，設計更多靚衫比未來的新娘子。

無意中發現W Cube. 自家設計嘅裙. 唔會同人撞到bang bang 聲. 試左好多條裙. 條條都咁新淨咁靚. 好難選擇. 全靠你地嘅意見同不厭其煩咁幫我試身終於揀到我嘅the one. 多謝Wcube，幫我搵到咁靚嘅婚紗同敬酒裙！

個環境好寬敞，同埋d衫好靚 ，staff都好nice, 仲有無限次試身真心推介

超級幸運遇到Fiona 同Stella, 好nice, 非常細心, 又有耐性, 每條裙都會幫我襯靚執靚, 每次試衫都好好傾, 絕對無揀錯佢地! 🙂

希望佢地繼續努力, 造多d 靚衫, 支持支持~~

睇得出Stella同Fiona真心鍾意婚紗設計！當我哋話D婚紗靚，佢哋笑得好開心~D婚紗自己設計，就算搵師傅幫手車，lace都係自己釘上去，好認真：D 而啲婚紗都好靚，新淨～而且好欣賞佢哋將自己夢想實踐出嚟～十卜～

好鐘意，好欣賞既婚紗店！
第一次試裙，覺得裙款好特別，自家設計，裙有唔同層次組合成，好獨特！！！like!!!
連男朋友都話好，即刻confirm!! 
而且店內各位員工都好親切，會推介裙款俾我嘗試，原來有d 裙款自己都可以著到，唔試都唔知
初試身時，佢哋仲會話陸續有新款設計晚裝，唔需要急趕做決定，可以試到自己合心意既裙，好快，亦見到多款眼前一亮既晚裝！
同時，佢哋好細心，教我著好條裙，唔好走光，微細位影相唔會穿崩，甚至連飾物都會配襯到自己鐘意為止！
見到店鋪裝修後，地方更大更舒服，好鐘意，值得推介！！
繼續加油！設計更多更靚既裙！！

第1次見面就決定落訂造婚紗裙 我已經好欣賞兩位designer既熱誠 ☺自問又要求高又易擔心呢樣嗰樣 揾到d資料又去煩人地 但他們超有耐性又不斷用心解決 真係無選錯 到fitting時我d姊妹都嘩一聲好靚呀 仲要好多detail位都照顧埋我既喜好 那份堅持夢想重視新娘的兩位 已經令我感動欣賞 沒有選錯 嘻嘻 好期待下個月big day

Thank you so much 每一套都好靚呀！真係件件都唔捨得換！仲有好多款手飾比我襯勁好呢！件件都大讚！見證你地由小店搬到大店！祝你地愈做愈旺呀！

當時喺Facebook睇到呢間婚紗店，就上咗去試，環境很好，員工服務非常之好 又友善，婚紗亦很漂亮，我十分喜歡，之後上去試咗很多次，他們人非常之好，都很耐心幫我，非常滿意…謝謝你們

在挑選婚紗的過程中，她們都非常親切和投入，替我找出適合我的。在跟她們交談的字裡行間，便看得出對婚嫁衣裳的執著和認真! 仔細看看每件的手工，非常精緻，都是她們親手設計和製造!! 相比其他婚紗店，只在意“close the deal”, 這是唯一一間，可以放心跟她們談我的想法，以致找到the one的婚紗店!

因為教會姊妹有份幫手，所以早聞wcube的名字，一心打算Big Day租裙都會搵wcube，到第一次上去，Stella勁friendly同細心地介紹，再見到好多靚靚裙（真係好靚！），試身完毫無猶豫就落左訂，就咁定左。
由第一次上去到定晒所有裙，前後都有三四次，每次stella同fiona都好pro好有耐心，期間試左好多唔同嘅裙，仲轉左兩次款，除左第一條一見傾心的灰色裙，但最重要係最後的每一件都係心中的the one
呀，仲有裁縫姨姨都勁好人，final fitting帶俾我們好多歡樂, big day時啲姊妹都話啲裙好新好靚。
真係好欣賞wcube用心去設計去造每一條獨特的裙，見證住妳們由細舖變大舖到變大大舖，感覺好特別，又好感恩，祝願妳們一直持守初心，繼續設計更多靚裙！

#支持本土設計
#watertowine是上好的酒
#wcubegowns是上好的禮服

Stella非常有耐性去了解我嘅喜好 店內亦有好多不同款式嘅婚紗揀 冇分平貴 改衫姨姨亦好有技巧改到d衫防走光 big day前可以約無限次試身(雖然我只係試左2次) 當日都有好多賓客讚d裙靚～推薦

啲裙真係好靚好新淨!!!而且每一條裙都係獨一無二親手自己造.好多謝你地用心幫我地完成人生最重要既一件事🙂繼續努力幫每個新娘子搵到佢地既the one

Love the WG and EG so much! Received lots of compliments on it! Thanks so much for the professional service and good quality gown, highly recommend：）

好開心搵到wcube租衫。Fiona同Stella設計的婚紗同晚裝好多款式都好靚,好心心眼。Bigday當日,個個朋友都話我的婚紗同晚裝好靚好特別。就連化妝師都大讚款式與別不同,有叮一聲的感覺。特別是藍色晩裝,上半身有高貴的閃石,下身有多個層次–藍色,綠色,圖案pattern,閃閃層等,設計好有心思,別樹一格。
希望 Fiona 同 Stella 繼續設計多些靚衫,等大家著住最靚的婚紗同晚裝做一個最靚新娘子。

啲衫真係件件都好靚，但係雜誌一早睇中佢地其中一件晚裝，就算試多幾件晚裝到最後都係揀返心儀個件！
我大日子前send俾化妝師佢已經話好靚！尋日一邊化妝一邊問我係邊間租間鋪叫咩名 仲不停話好靚之前仲怕無時間影，一度諗過唔租呢件晚裝轉男禮，但好彩度度個rundown後見有多啲時間就無放棄，好彩無放棄件衫，不則一定好後悔！
男禮都好靚，著到老公好型（我認為）哈哈！
祝你地造更多靚衫，生意興隆，開間再大再多靚衫嘅婚紗店，俾更多人欣賞你地嘅作品！！

知道佢地年紀輕輕就自己設計婚紗和開店，那份熱誠和親切，好吸引我同老公，好想支持佢地所以試咗第一件婚紗，又好靚好喜歡就即時決定咗婚禮全部用佢地的，即晚俾埋錢充滿祝福和心思的婚紗係最美麗的

Thank you Fiona & Stella!!
婚紗同紅色晚妝都好靚, 改左之後仲fit仲好睇！好多謝你地俾咁多專業意見我 🙂一啲簡潔、elegant既款式真係唔易搵, 2條都係exactly我想要既感覺
Thank you once again!!!
All the best to Wcube & you 2

感恩遇到你地❤
你地要繼續製造多啲更靚既婚紗同晚裝，令多啲人可以著到你地既裙，加油💪🏻

基本上全部裙子都好美，大家都問在哪裡找到這麼美的白紗！香港人設計製造，香港還是很多臥虎藏龍的，支持支持！服務很好，給我很多意見，找到適合自己的裙～再次感謝你們^^

上年訂咗婚禮場地之後，第一件事就係搵衫同化妝女仔梗係貪靚嘛上網搜集咗一堆資料，wcube係第一間試身就confirm咗，因為當時未減肥，對自己好冇信心，覺得著乜都唔靚，但好驚喜地fiona幫我揀到適合我嘅裙。好多b2b討論中意西，日，韓式邊個style，我覺得wcube係港式cutting好啱香港女仔身形。除咗衫靚之外，佢地服務都好抵讚，我confirm咗嘅婚紗到最後fitting發現有問題（唔係件婚紗有問題，係我身形問題），monique俾我換另一件婚紗，真係好多謝佢呀新郎禮服同伴娘裙都係wcube搞掂，快靚正

多謝Wcube bridal 的Stella & Fiona! 佢地好nice, 由day 1(都成半前）到big day，不斷俾我上去studio任試唔同既款（佢地密密出新款）..麻煩左佢地好多次,辛苦了!!!

另外，要特別讚讚她們，為我度身訂造的婚紗實在太靚,將我想要的(簡單得黎又要特別…麻煩的我)真係呈現係條婚紗度,超靚呀♥ 個個都讚!!!

到還衫個日好唔捨得佢地呀!

如果你同我一樣…心大心細的..有選擇困難的…可以上去搵佢地!

Thanks again for your nice dresses & professional service! <3